NUNA Eqqartuussissuserisut inatsisilerituutut piginneqatigiiffiulluni nunatsinni suliffeqarfiuvoq, qanittumillu DelacourDania Advokatpartnerselskab, tassaasoq Danmark-imi inatsisilerituutut tusaamasaalluarnerpaat kiisalu nunat killeqarfii akimorlugit sulilluarnerpaat qulit akornaniittoq, illoqarfinni København-imi, Århus-imi, Moskva-mi, Kiev-imi kiisalu Tórshavn-imi allaffeqartitertoq suleqatigalugu.

NUNA Eqqarsuussissuserisut 16-inik sulisoqarpoq, taakkulu akornanni inatsisilerituut arfineq-marluullutik.

Nuna Eqqarsuussissuserisut pillugit annertunerusumik paasissutissanik atuarniaruit una tooruk

Oqariartuuterput

NUNA Eqqartuussiserisuni Kalaallit Nunaanni, Danmark-imi nunarsuullu sinnerani inuussutissarsiornermut, pisortanut innuttaasunullu tamanut inatsisilerinikkut pisinnaasaqarluartunik ikiorteqarnissamik atorfissaqartitsisunut soqutiginnittutut qanimullu siunnersortitut ilisimaneqarusuppugut.

Sunniuteqaqataarusussuseqarpugut – angusat sullitatsinnut pilersitavut pineqartillugit, kiisalu sullitatsinnik sulissutseriaatsinni suliassaataannillu suliarinneriaatsitsinni.

Suliassat annertuut annikitsullu qanoq suliarineqarnissaat apeqqutaanngilaq, isiginnerpummi unaammat suliaq suugaluartorluunniit – sullitatsinnut uatsinnullu suliaasoq - pingaaruteqartoq. Taamaattumillu suliamik suliarinneriaaseq uatsinni ataasiinnaavoq – tassalu eqqortumik sulineq.