Kattuffiit

Advokatit sulinermi najoqqutassaat (advokatKODEKS) Nuna Advokatinit akuerineqarput

Danske Advokatit advokatitut sulinermi najoqqutassiaat (advokatKODEKS) piumagaanni malinneqarsinnaapput. Najoqqutassat malitsigisaannik tunniusimalluta siumullu isigaluta sulissaagut tunngaviit tallimaasut uku tunngavigalugit:

• Ammasumik ersittumillu sulineq
• Ersittumik inuiaqatigiinnut akisussaaqataaneq
• Ileqqorissaarnikkut nalornissutaasunut isummertarneq
• Aqutseriaaseq nutaaliaasoq sullitanik sulisunillu qitiutitsiviusoq
• Assigiinngissitaarnermik nukittoqquteqarneq

Uani takusinnaavat tunngaviit taakku tallimat atorlugit Nuna Advokater qanoq sulinersoq:

INUIAQATIGIINNUT AKISUSSAAQATAANEQ

Uagut …
– akeqanngitsumik advokatimik sillimasoqartarpugut inatsisitigullu ikiuisarluta
– IKIU-mi akeqanngitsumik advokatimik sillimasoqartitsisarpugut
– ikiuiniaqatigiiffinnut, peqatigiiffinnut assigisaannullu inatsisitigut sulianut akikillisaasarpugut
– peqatigiiffinni suliniaqatigiiffinnilu nammineq kajumissutsimik suleqataasarpugut – imaluunniit sulisutta nammineq kajumissutsiminnik sulinerannut tapersiisarluta
– aningaasaliissutit, akissarsisitsinerit allallu atorlugit peqatigiiffilerinermut, ilinniartitaanermut kulturimulluunniit tapersiisarpugut
–  ikiuiniaqatigiiffinnut, suliniaqatigiiffinnut naalakkersuisutigoortuunngitsunut, ajunngitsuliorniaqatigiiffinnut allanullu ilaasortaavugut
– atorfimmik atornerluitsaaliornermut najoqqutassiorsimavugut
– ikiuiniaqatigiiffinut tunissuteqartarpugut

ILEQQORISSAARNIKKUT NALORNISOORFIIT

Uagut …
– suliassaqarfinni ataasiakkaani ileqqorissaarnermut malitaqarluta sulisarpugut, soorlu sullitat, soqutigisanik isumaginninneq, suleqatit, politikkikkut sulineq,    tunissutit eqqarsaatigalugit
– iluanaarniapilunneq, pinerlunnikkut pissarsianik malunnarunnaarsitsiniarneq, aningaasaliinerit, akileraarutitigut iluanaarniarnerit allallu pillugit suliffiup iluani najoqqutassaqarpugut
– pinerlunnikkut pissarsianik malunnarunnaaritsiniarneq pillugu suliffiup iluani najoqqutassaqarpugut
– sulianik pilersitsineq nakkutigisaasarpoq, suliffiup iluani sulianik misissugassatut tigusisoqartarpoq il.il.
– aporaannernik annikillisaanerit soorlu isumaqatigiissaarnerit kaammattuutigaavut

SULISUT QITIUTILLUGIT AQUTSERIAASEQ NUTAALIAASOQ

Uagut …
– advokatinut ilinniartitaanikkut piumasaqaatit qanoq naammassineqassasut nassuiartarparput
– sulisunut assigiinngitsunut tamanut ilinniaqqinnissamik naleqquttumik neqerooruteqartarpugut
– atorfeqariaatsinik eqaatsunik neqerooruteqartarpugut, soorlu suliartorfissat nikerartut, inuttut feeriarfissanik pilersaarusiorsinnaaneq, angerlarsimaffimmi sulineq il.il.
– erseqqissunik anguniagaqarpugut, sammiveqarpugut sulisuvullu taakkuninnga paasitilluartarpavut
– sulisut ulluinnarni sulinerannut suliffeqarfiullu ineriartorneranut sunniuteqaqataasinnaatippavut
– suliffimmik misiliisunik ilinniartuuteqartarpugut
– sulisut atugarissaarnissaat qitiutillugu suliffiit ataasiakkaat aaqqissortarpavut
– ataatsimuualaartitsisarpugut

SULLITAT QITIUTILLUGIT AQUTSERIAASEQ NUTAALIAASOQ

Uagut …
– suliffeqarfiup naleqartitai taakkulu sullitatsinnut pingaarutaat ersarissarlugulu nassuiartarparput
– sullitatta suliatsinnik iluarisimaarinninnerat uuttortarparput malitseqartittarlugulu
– suliffeqarfiup suliat isumaginissaannut piginnaaneqarnera nittarsaattarparput
– suliat qulequttalluunniit kikkunnut tamanut soqutiginaatillit nittarsaattarpavut. Soorlu nittartakkami maani
– sullitavut inuttut siunnersortilertarpavut tassungarpiaq sammisumik sullinneqarsinnaaqqullugit, apeqqutaatinnagu inatsisilerinikkut piginnaasat suut atorneqarnersut
– sullitat advokatimut attaveqarnissaannut periarfissanik assigiinngitsunik neqeroorfigisarpavut. Assersuutigalugu nammineq ornillugu imaluunniit ornigutsillugu naapitsineq, qarasaasiakkut aammalu allatigut
– advokati pisinnaanngeriataassagaluarpat sillimmatitut periarfissat sullissamut neqeroorutaasut nassuiartarpavut.

ASSIGIINNGISITAARNEQ

Suliffeqarfiup angissusia pissutigalugu uagutsinnut naleqqutinngilaq

AMMASUUNEQ

Uagut …
– suliffeqarfiup naleqartitai, isumai, inatsisinut politikkikkut isumai, tusagassiorfinnut oqaaseqaatit allallu nittarsaattarpavut
– sullitavut akunnermut suliassalerinermut naatsorsuutinik ammasunik neqeroorfigisarpavut imaluunniit akiligassiissutinik sukumiisunik neqeroorfigisarlugit
– suliffeqarfik, sulisut, ilaasortaaffiit, immikkut piginnaaffiit allallu takutittarpavut