Nuna Advokatit marlunnik nutaanik piginneqatitaarput, taamaalillutillu Kalaallit Nunaanni inatsisilerituut allaffiattut siuttuunertik nukittorsaqqillugu.

Ullumikkut Nuna Advokatiniit nuannaarutigingaarlugu nalunaarutigisinnaanngorparput advokat Kista Høegh Niclasen aamma advokat Thor Suhr 1. januar 2023 aallarnerfigalugu suliffeqarfimmi piginneqataalissammata.

Kistap Thorillu piginneqataareersut advokat Helen Kibsgaard, advokat Charlotte Pedersen aammalu advokat Peter Schriver peqataaffigilerpaat.

Kista Thorilu ukiuni arlalinni malunnaatilimmik pingaarutilimmillu Nuna Advokatini suleqataapput, marluullutillu suleqatigiit iluanni pingaartinneqaannanngillat aammali inatsisilerituujullutik pikkorissut.

Kista Thorilu piginnittoqatigiinnut ilanngunnerisa Nuna Advokatit suliffeqarfiup atajuarnissaa nukittorsarpaa siunissamilu unammilligassanut piareersimanerulersillugu.