Kalaallit Nunaanni inuussutissarsiorneq pillugu advokateqarfinni siuttuugatta ingerlatseqatigiiffiit pillugit inatsisit piginnaaneqarfitta soorunami pingaarnersaasa ilagaat. Ingerlatseqatigiiffiit ineriartorneranni killiffinni tamani ikiuuttarpugut – pinngorneriniit naggataanut, soorlu pilersitsineq, alliliineq, tunniussineq atorunnaarsitsinerlu eqqarsaatigalugit. Aqutsineq kiisalu aningaasaatinik allannguinerit pillugit sinnersuisarpugut.
Periarfissat, killissarititaasut nakkarfiusinnaasullu ilisimaarilluarpavut. Ikiuuffigisartakkavut amerlaqaat, piginnittut isumaqatigiissutaat, suliffeqarfissualiornerit, suliffeqarfiit aaqqissugaaneri kiisalu ingerlatseqatigiiffiit ilusaat assigiinngitsut toqqarniaraanni toqqanngikkaanniluunniit iluaqutissat ajoqutillu.
Ingerlatseqatigiiffinnut inatsisit danskit inatsisaannut assingoqqissaanngillat, assigiingissutinnguillu eqqumaffigilluartariaqarput – mikisualuimmi ularuttoorneqarsinnaasartut ilisimavarput. Ukiut ingerlaneranni sulinitsigut ingerlatseqatigiiffinnik pilersitsineq, aaqqissueqqinneq, kattussineq, avitsineq, atorunnaarsitsineq, nioqquteqarneq allallu – ingerlatseqatigiiffiit atuunnerinut killiffiinullu tamanut tunngasut – misilittagaqarfigillualersimavavut.
Ingerlatseqatigiiffinnut inatsisitigut ikiuisarnitsinnittaaq pingaaruteqartoq tassaasarpoq suliffeqarfinnik pilersinneqaqqammersunik siunnersuineq, aallarnisaasunik ikiuineq aallartitsinerlu, sapiiserlutik aningaasaliisussanik ujaasineq, niuernermut pilersaarusiorneq, piginneqatigiinnermut isumaqatigiissusiorneq, piginnittut isumaqatigiissutaat allallu.
Taakku saniatigut Kalaallit Nunaanni ingerlatseqatigiiffinni qassiini siulersuisunut ilaasortaatitaqarluta ataatsimiinnernillu aqutsisuulluta suliaqartarpugut.
Sullissavut nalilinnik pilersitsivigisarpavut, kiisalu suliffeqarfiup aporfii qaangigassaajunnaartinnagit siumut isigaluta aaqqiissutissanik suliaqartarluta.
Sukumiinerusumik paasisaqarumagaani attavissaavoq advokat Peter Schriver.
