Kalaallit Nunaat qasseersuarnik pingaarutilinnik aatsitassaqarpoq, aatsitassarsiornermilu misissueqqissaarnerit qalluiniarnerillu ingerlanneqartut annikitsuunngillat.
Nuna Advokater Kalaallit Nunaanni aatsitassanut ilisimasaqarluarpoq suliassarlu tamanna ukiut 20-it sinnerlugit ingerlassimavarput. Aatsitassarsiortitseqatigiiffiit nunanit tamalaaneersut qasseersuit sullittarpavut kiisalu Kalaallit Nunaanni qalluiniarnerit amerlanerpaat peqataaffigisimallutigit.
Tassalu aatsitassarsiorneq eqqarsaatigalugu inatsisitigut atugassarititaasut pillugit siunnersuisarnikkut ukiorpassuarni misilittagaqarpugut kiisalu oqartussani suliassat ingerlanneqartarnerannut kiisalu politikkikkut pissutsinut ilisimasaqarluarluta. Aammattaaq aningaasaleeqatigiilluni suliniutinik ingerlatsinermut, suliariniakkanik aningaasalersuinermut allanullu assorsuaq misilittagaqarpugut. Tamatumuunakkut inuussutissarsiummi tassani pissutsit ilisimasaqarfigillualersimavavut taavalu aatsitassarsiortitseqatigiiffiit ilungersunartorsiutigisartagaat sukumiinerusumik paasisimasaqarfigilersimallugit.
Misissueqqissaarnermik, qalluinissamik, allilerinisssamik matusinissamillu qinnuteqaatit, akuersissutini atugassarititaasut, akuersissutinik toqqaannartumik toqqaannanngitsumillu tunniussinerit allallu annermik siunnersuisarnitsinni sammisarisarpavut. Aamma aningaasaliisussarsiornermi aningaasanillu niuerfinni nalunaarsuinerit allallu pillugit inatsisitigut naliliinerit, niuernikkut nalilersuinerit allallu pillugit ikiuuttarpugut, taamattaarlu aningaasaleeqatigiinnissamik isumaqatigiissutit, aningaasalersuinissamik isumaqatigiissutit, taarsigassarsiniarnerit allallu suliarineqarnerini isumaqatigiinniutigineqarnerinilu ikiuuttarpugut.
Tamatumunnga atatillugu aamma Kalaallit Nunaanni suliffeqarfinnik pilersitsinermut tunngasunik, ingerlatseqatigiiffinnut tunngasunik, suliffeqarfinnut pilersuineq sullissinerlu pillugit isumaqatigiissutinik, atorfinitsitsinermi pissutsinik, najugaqarallarnissamut sulinissamullu akuersissutinut allanullu tunngasunik ikiuuttarpuguttaaq. Aammattaaq ingerlatseqatigiiffiit Kalaallit Nunaanni nalunaarsorsimasut kiisalu nunat allamiut ingerlatseqatigiiffiutaat Kalaallit Nunaanni aalajangersimasumik suliaqartutut nalunaarsorsimasut “adresseqarnikkut sullinnissaannik” neqerooruteqartarpugut.
Sukumiinerusumik paasisaqarumaguit attavigikkit advokat Helen Kibsgaard imaluunniit advokat Peter Schriver.
