Pisuussutit uumaatsut

Kalaallit Nunaanni nunap pisuussuteqarluarnera qangali ilisimaneqarluarpoq. Uuliakkut, aatsitassat kiisalu aatsitassat qaqutigoortut tamalaarpassuupput. 2010-imi januaarip aallaqqaataani pisuussutinut uumaatsunut tunngasut danskit naalagaaffianniit Namminersorlutik Oqartussanut nuunneqarput, kiisalu tamanna sioqqullugu kingoqqullugulu pisuussutinik uumaatsunik misissueqqissaarnerit qalluinerillu qassiit suliarineqartarsimapput, soorlu smaragdit, rubinit, uulia, kuultit, neodymium eqqarsaatigalugit, tassa ilaannaat taallugit.

Kalaallit Nunaanni advokateqarfinni sallersaagami Nuna Advokater pisuussutit uumaatsut eqqarsaatigalugit siunnersuisarnikkut misilittagaqaqaat piginnaaneqaqalutillu, 2000-ikkullu aallartinneranniilli ingerlatseqatigiiffiit misissueqqissaartut pisuussutinillu uumaatsunik sulialliat allat ikiortarsimavavut, tassa uuliasiorlutillu gassisiortut kiisalu aatsitassarsiortut.

2005-imit Nunaoil A/S-imut aalajangersimasumik advokatiusimavugut, taannalu akuersissutini neqeroorutigineqartuni tamani piginneqataasarpoq, tassungalu atatillugu suliffeqarfiit suleqatigiiffissualiorniarlutik isumaqatigiissusiortarnerini ikiortarpavut suleqatigiiffissuillu qassiit misissueqqissaarnerini ikiortarsimallugit, soorlu suleqatigiiffissuit Cairnimik kiisalu Shellimik ingerlatsisoqarlutik sulisut.

Aatsitassarsiorneq eqqarsaatigalugu Kalaallit Nunaanni ukiuni kingullerni 20-ini suliaasarsimasut peqataaffigisarpavut, soorlu kuultisiorfiit Nalunaq, Qeqertarsuatsiaani rubinisiorfik, Kangerlussuarmi qaqortorsuaq kiisalu Narsami kuannersuarni piiaaffiliariniagaq. Aatsitassarsioqatigiiffiit amerlanerpassuit kiisalu Kalaallit Nunaanni pisuussutinik uumaatsunik suliaqartut allat sinniisuuffigisarpavut, suullu tamaasa pillugit siunnersuisarluta – pisuussutit uumaatsut pillugit inatsisinut tunngasuniit Kalaallit Nunaanni suliffeqarfimmik pilersitsinernut tunngasunut, suliariniakkanik aningaasalersuinermi ikiuunnerit allalu eqqarsaatigalugit.

Politikkikkut suliat, kiisalu pisuussutinut uumaatsunut inatsisit, sumiiffinni malittarisassat allallu ilisimasaqarfigaavut kiisalu aningaasaliisartunut ikiuisarneq, ingerlatseqatigiiffiliornerit, aningaasaleeqatigiinnikkut suleqatigiiffiliornerit ikiuuffiginissaat ukiorpassuarni misilittagaqarfigaavut kiisalu politikkikkut pisartut ilaanni allanngorarsinnaasartut atugaralugit aaqqiissutissanik tamanut pitsaanerpaajusunik qularnaarisarluta.

Taamaammat sullissisutut toqqassalluta pissusissamisuuginnartarpoq, aatsitassarsiorfinnik pilersaarusiorneruppata, oqartussanut qinnuteqarneruppata, aallarnisaaneruppata ingerlatsineruppata – imaluunniit tuniniaaneruppata, tunniussineruppata imaluunniit pioreersunik matusineruppata apeqqutaatinnagu.

Nunani allani ataatsimeersuarfinni Kalaallit Nunaanni pisuussutit uumaatsut sammineqartillugit peqataasarpugut, kiisalu ilaatigut pisuussutit uumaatsut pillugit ataatsimeersuartarnerit nunarsuarmi annersaanni PDAC-imi, ukiut tamaasa Torontomi ingerlanneqartartuni (uani takuuk), nunarsuarmi nunat aatsitassarsiortuusut tamarmik peqataaffigisartagaani peqataatitaqartarpugut.

Advokat Peter Schriver aammattaaq Association of International Petroleum Negotiatorsimi (AIPN) ilaasortaavoq (Uuliasiornermi isumaqatiginninniartartut suleqatigiiffiat).

Sukumiinerusumik paasisaqarumagaani attavissaavoq advokat Peter Schriver.