Nuna Advokatit suliassami tamatumani piginnaaneqassusiat nunatsinni nallernissaqanngilaq, tassami advokat Peter Schriver Naalagaaffeqatigiinni advokatit akornanni suliassami tamatumani misilittagaqarnerpaat ilagigunarpaat.
Peter Schriverip Danmarkimi Kalaallillu Nunaanni akilersuinernik unitsitsinerit akiliisinnaajunnaartullu pigisaannik aalajangersaaviginninnerit (soorlu Danmarkimi KKS Entreprise, Svendborg Værft, Nordsø værftet taavalu Århus Flydedok) kiisalu Kalaallit Nunaanni (soorlu S&G (Entrepriser il.il., Tasiilaq), Brdr. Lyberth (Rederi il.il., Maniitsoq) aamma Qaqortoq Værft)) annerpaat qassiit suliarisarsimavai. Tassa suliani qasseerpassuusuni ilaannangui taallugit.
Akiliisinnaajunnaarneq kikkunnulluunniit iluaqutitaqanngisaannangajappoq, suliffeqarfiullu akiliisinnaajunnaaqqajaanera alianartoqartuaannarpoq. Piginnittunut, akiitsoqarfinnut minnerunngitsumillu sulisunut taamalu inuiaqatigiinnut tamarmiusunut.
Akiliisinnaajunnaartut pigisaannik isumaginnittussanngoraangatta suliffeqarfilluunniit akiliisinnaajunnaaratarsinnaasoq suliarisussanngoraangatsigu akiligassaqarfiusut suliffeqarfimmillu piginittut siunnersortuaannarpavut ingerlatseqatigiiffiup pigisai nalillit sapinngisamik pitsaanerpaamik annaakkumallugit – tassa suliffeqarfimmut attuumassuteqartut tamarmik iluaqutissinneqarnissaat siunertaralugu. Tamatumunnga atatillugu suliat tamarmiusut ilaannaasaluunniit ingerlaqqissinnaanissaat siunertaralugu suliffeqarfiup aaqqissuuteqqinneqarsinnaassusia tamatumani misissortuartassavarput, tassa taamaaliornikkut suut nalillit sapinngisamik pitsaanerpaamik qularnaarneqassammata kiisalu suliffeqarfimmi suliffissat qularnaarneqassallutik.
Ukiut ingerlanerini aaqqissuusseqqinnerit qasseersuit ingerlattarsimavavut isumaqatigiissaasarfik aqqutigalugu – nammineq kajumissutsimik pinngitsaaliissummillu isumaqatigiissitsisarnerit atortarlugit – kiisalu suliffeqarfimmik tigusinerit allanillu ingerlanneqalersitsinerit atorlugit taamaaliortarluta.
Suliffeqarfiit akiliisinnaajunnaartut kiisalu akiliisinnaajunnaartut pigisaanik aaqqissuussinerit suliarineqartarnerisa saniatigut aamma akiliisitsiniarnermik annertuumik misilittagaqarpugut.
Akiliisitsiniarnerit toqqaannartumik ingerlattarpavut, ataasiakkaanut siunnersuisarluta kiisalu aaqqissoriikkanik periaaseqarluta akiliisitsiniartarluta, tamatumanilu najukkani eqqartuussiviit kiisalu Kalaallit Nunaanni Eqqartuussisoqarfik suleqatigalugu akiliisitsiniarnerit qanoq pitsaanerpaamik ingerlanneqarnissaat pillugu aalajangersimasumik suleriaaseqarpugut Kalaallit Nunaanni ajornartorsiutit immikkut ittuusut atorlugit.
Sukumiinerusumik paasisaqarumaguit attavigikit advokat Peter Schriver imaluunniit advokatfuldmægtig Thor Suhr.
