Nuna Advokatini suliffeqarfiup sulisullu ataasiakkaat ineriartortinneqarnissaat assut pingaartitaraarput. Sulisut tamarmik piginnaanerminnik tamakkiisumik atorluaasinnaanngornissaat suleriaatsitta ilagiinnarpaa.
Taamaammat soorlu uatsinni inatsisilerituujuguit aallarterlaajullutit Danmarkimi advokateqarfinni annerusuni takorloorsinnaanngisannilluunniit uatsinni suliaqartassaatit – soorunami pisariaqarnera malillugu tapersersorneqassaatit ilitsersorneqarlutillu.
Ulluinnarni maani allaffitsinni persuarsiorata qiimaqatigiillutalu suleqatigiilluarpugut. Suliassat aaqqinneqarnissaat qitiutittarparput taavalu tapersersoqatigiilluta ikioqatigiikkumasarluta.
Massakkorpiaq atorfiit tamarmik inuttaqarput, kajumissaarusuppatsigilli sulisussarsiunngikkaluaruttaluunniit qinnuteqarfigeqqulluta isumaqaruit Nuna Advokater suliffigissuarsinnaallugu – uagullu sulisorisinnaalluaritsigit. Apeqqutaanngilarlu allattaanersutit, inatsisilerituujunersutit, fuldmægtigiunersutit, advokatiunersutit aallarterlaaq imaluunniit misilittagartooq.
Titarsiffigilaarniartigut oqaluttuullutalu sooq uatsinni sulerusunnersutit. Ilisarititsissutinnik immaqalu sulisitsisunit oqaaseqaatinik nassitsigut. Taava tulliani suliffimmik inuttassarsiugaqarutta eqqaamassavatsigit.
