Eqqartuussivilersuussineq aaqqiagiinngissutinik aaqqiiniarnermi periarfissat kingullersariuaannarpaat. Eqqartuussinermi suliat amerlanerpassuartigut kissaatigineqarneq ajorput, sivisusarlutik aammalu nukinnik aningaasanillu assut atuiffiusarlutik. Taakku qaavisigut eqqartuussivilersuussinerup qanoq inernissaa nalunartuaannarpoq qanorluunniit tunngavissarissaartigisutut misigigaluaraanni.
Taamaammat suliat eqqartuussivinnut anngunneqannginnerini nammineq kajumissutsimik naaperiarnikkut aaqqinneqarnissaat anguniartuaannarparput. Tamanna amerlanerpassuartigut tamanut iluaqutaanerpaajuaannarpoq. Advokat Charlotte Pedersen isumaqatigiissaasutut ilinniarsimasuuvoq taamaammallu suliatigut ilinniakkatigullu aaqqiagiinnginnermik aaqqiinissamut tunngavissaqarluni.
Naaperiaasoqarsinnaanngikkaangat eqqartuussivilersuussisarpugut – eqqartuussineq illoqarfiit eqqartuussiviini, Kalaallit Nunaanni Eqqartuussiviani imaluuniit Nunatta Eqqartuussisuuneqarfiani imaluunniit Danmarkimi eqqartuussivimmi pisinnaavoq apeqqutaalluni sumi aalajangiisoqartussaanersoq.
Eqqartuussivilersuussinerup aallarnerneqarnera qanoq pissasoq aamma periusissat eqqarsaatigalugit qanoq iliortoqarnissaa isumaliutissaavoq tamatumuunakkut qisuariaammik aalajangersimasumik pilersitsinissaq siunertaralugu oqaloqatigiinnerlu ammaanniarlugu – qujanartumillu eqqartuussivilersuussineq tamatigorluinnaq eqqartuussivimmut aalajangiivigisassanngortinneqarneq ajorpoq. Periusissamik isumaliorluta sulisarpugut tamatigullu sullitatta suliap ingerlanneqarneranik allannguisinnaanera oqimaalutartarparput, tassa illuatungeriit tamarmik naammagisaanik naaperiarsinnaaneq siunertaralugu.
Advokatitta eqqartuussivimmi suliaq sapinngisamik pitsaanerpaamik aaqqissortarpaat eqqartuussivilersuussinermilu ajutoorfioratarsinnaasut pillugit siunnersuijuaannarlutik. Qanorluunniit uppernarsaatissaqartigigaluaraanni eqqartuussivilersuussineq immini tamatigorluinnaq takussutissaasarpoq pissutsit ilumut assortuussutigineqarsinnaanerannik taavalu illuanut illuanulluunniit aalajangiisoqarsinnaaneranik.
Taamaammat eqqartuussivilersuussinissamik aalajangerniarnermi pingaaqisumi pitsaanerpaamik illersorteqarnissaq pingaaruteqarpoq. Suliammi ingerlanera immini ajutoorfiusussanngortinneqartariaqanngilaq.
Sukumiinerusumik paasisaqarumasunit attavissaapput advokat Charlotte Pedersen kiisalu advokat Kista Høegh Niclasen.
