Sulinermut atorfinitsitsisarnermut inatsisit allamut ingerlanatik pisariuleraluttuinnarput. Danmarkimeersunik nunatsinneersunik sulisartoqarpugut, savalimmiormiut kilisaatini naalakkat kiisa inuit Canadamiit, Skotlandimiit, Kinamiit ilami silarsuarmit tamangajalluinnarmit pisut maaniipput.
Aamma nunarput inatsiseqarpoq, danskit sulinermi isumaqatigiissutaat atorneqarlutik kiisalu atorfinitsitsinermi isumaqatigiissutit annerusumik minnerusumilluunniit namminersuutigisat amerlasuupilorujussuullutik. Pisuni suni malittarisassat suut imaaliinnarlugu akiuminaappoq.
Nuna Advokaatini ukiorpassuanngortuni Kalaallit Nunaanni atorfinitsitsisarnermut inatsisinut tunngasunik suliaqarsimavugut, taamaammallu atorfinitsitsinermut sulinermullu inatsisinut tunngasut sukutsitaat tamaasa misilittagaqarfigalugit.
Aamma atorfinitsitinermi isumaqatigiissutit ilusilerfornissaannut piginnaaneqarpugu, tamatumuunakkut atorfinitsitinermut allassimasumik tunngavissiortoqassaaq aaqqiagiinngissutit peratarsinnaanerat annikiilisarneqartussanngorlugu imaluunniit aaqqiagiinnginnerit ajornannginnerusumik aaqqinneqartussanngorlugit.
Sulisitsisut ikiortarpavut, Kalaallit Nunaanni suliffeqarfiit annerpaat qassiit, kommunit pisortanit oqartussat sinniisuuffigisarpavut, kiisalu sulisut eqqarsaatigalugit sulisut kattuffiit qassiit ikiortarsimallugit.
Sulinermut inatsisinut tunngasutigut akuliutsitaagaangatta isumaqatigiinniarnikkut aaqqiagiinnginnerup aaqqinneqarsinnaanera misissoqqaartarparput. Advokat Charlotte Pedersen isumaqatigiissaasutut ilinniarsimasuuvoq taamalu aaqqiagiinnginnernik aaqqiiniarnissamut suliatigut atuagarsornikkullu tunngavissaqarluni.
Aaqqiagiinnginneq isumaqatigiinniarnikkut aaqqinneqarsinnaanngippat suliap eqqartuussivimmut apuutivinneqarnissaanut aamma piginnaaneqarpugut. Ukiut ingerlanerini eqqartuussivinni eqqartuussinernik qasseerpassuarnik suliaqarsimagatta atorfeqarnermi inatsisitigut aaqqiagiinngissutit eqqartuussisulersuunneqarnerini assut misilittagaqarpugut.
Eqqartuussiviit aqqutigalugit naaperiaasitsinerit aaqqiagiinngissutinillu aaqqiiniarnerit saniatigut aamma soraarnermi isumaqatigiissutitigut, soraarsitsinernut, suliunnaarsitsinernut, sulinermi atukkanik allannguinermut imaluunniit qaffasinnerusunik atorfilinnik atorfinitsinermut tunngasutigut sullitavut ikiortarpavut, tamatumanilu pitsaanerpaamik siunnersuinissaq kiisalu sullitatta pisariaqartitaanik pitsaanerpaamik tunniussinissaq aallaavigisarparput.
Sulisarnitsinni qanimut suleqatigiinneq ammasumillu ingerlatsinerup salliutinneqarnissaa pingaartitaraavut.
Sukumiinerusumik paasisaqarumagaani attavissat tassaapput advokat Charlotte Pedersen imaluunniit advokat Kista Høegh Niclasen.
