Nuna Advokatini ukiut 20 missarpiaanni aqutsisunut ilaareerluni, ukiut amerlanersaanni siulittaasuusimalluni, Advokat Kaj Andreassen aalajangerpoq tunuarniarluni soraarninngorniarlunilu. Kaj qutsavigaarput ukiut ingerlanerini tunniussimasarpassui suliarpassuilu pillugit.
Taanna taarserlugu Henrik Sørensen siulittaasunngorpoq. Henrik 1990-imili Kalaallit Nunaanni sulilerpoq, taamanerniillu Kalaallit Forsikring Agentur A/S ineriartortippaa Kalaallit Nunaanni sillimasiisarfinni annerpaanngorlugu.
Henrik ukiuni 20-ingajanni Sulisitsisut siulersuisuiniippoq, taakkunannga ukiuni pingasuni siulittaasumut tulliusimalluni, ukiunilu arfineq-marlunni siulittaasuusimalluni, taamaammallu Kalaallit Nunaanni inussutissarsiorneq qaqutigoortumik sukumiisumillu ilisimaqarfigaa.
Kalaallit Forsikringimi kinguaariit nikinnerat iluatsilluartumik ingerlatereerlugu Henrik Danmarkimut nooqqammerpoq, Kalaallilli Nunaanni tatigisaalluni suliaqarfini qassiit tigummiinnarpai – maannalu ilaqqippai: Nuannaarutigingaarparput Henrik uatsinni siulittaasunngorumammat, ukiunilu aggersuni suleqatigiinnissamut qilanaarpugut.