Hudson Greenland A/S, Kalaallit Nunaanni Kangerlussuup eqqaani Qaqortorsuarmi aatsitassarsiorfimmi ingerlataqartoq, suliaminut aningaasalersuinerup allannguuteqarneranik tamanut nalunaaruteqaqqammerpoq.

Aatsitassarsioqatigiiffik taamaalillini taarsigassarsiffigisaminut, Cordiant Capitalimut kiisalu Romeo Fund – Fleximut ingerlatseqatigiiffinnullu attuumassuteqarfigisaannut, aaqqissuussinerminik annertuumik allannguivoq, taakkulu ilaatigut taarsigassarsianik allannguinerup kingorna aatsitassarsioqatigiiffimmik massakkut piginnittuusoq Hudson Resources Inc., Torontomi aningaasanik niuerfimmi nalunaarsugaasoq peqatigalugu ingerlatseqatigiiffimmik piginneqataalerput.

Tamatuma saniatigut aatsitassarsioqatigiiffik 10 mio. US dollarinik aningaasaliiffigineqarpoq aatsitassarsiorfiup ingerlaqqilernissaa siunertaralugu.

Aningaasaliinikkut iliuuserineqartoq pillugu uani sukumiinerusumik paasisaqarsinnaavutit https://hudsonresourcesinc.com/investors/news/.

Nuna advokater aningaasaliinikkut iliuuserineqartumi Hudson Greenland A/S-imut siunnersortaanermikkut ikiuuppoq, ilaatigut aningaasaliisarnermut ingerlatseqatigiiffinnullu inatsisit eqqarsaatigalugit kiisalu aningaasatigut iliuuserineqartumut aatsitassalerinermut oqartussat akuersinissaat eqqarsaatigalugu.

 

Sukumiinerusumik paasisaqarumaguit attaviguuk

Helen Kibsgaard
Advokat
(+299) 55 17 70
hk@nuna-law.gl