Advokat Charlotte Pedersen Nuna Law-imi piginneqataalerpoq.
Charlotte 2008-mili Nuna Advokatinut attuumasssuteqarsimavoq, pigisanik agguaassisarnermi eqqartuussivimmi suliassat suliarisimavai taamani suliarinnittussarsiuussinermi Nuna Advokatinut suliassanngortinneqarmata. Suliat taakku aallaavigalugit Charlotte-p toqusut qimataanik taakununngalu suliat tunngasut misilittagaqarfigilersimavai, ukiullu ingerlanerini sullitagut arlaqaqisut, soorlu namminersortut suliffeqarfiillu kinguaariit nikinnissaannut sullittarsimallugit.
Charlotte aamma unnerluussisutut misilittagaqarpoq taassumalu saniatigut eqqartuussinerni ingerlatsisutut misilittagaqarluartuuvoq ukiullu ingerlanerini allaffimmi sullitatsinnut eqqartuussivikkut suliat arlaqaqisut ingerlattarsimallugit.
Charlotte-p aammma namminersortut suliffeqarfiutillillu assigiinngitsutigut sullittarpai – soorlu pingaartumik sanatitsinermi isumaqatigiissusiornikkut, sanaartornermilu tunngasuni, aammalu suliani atorfinitsitinermut tunngasuni.
Kiisalu Charlotte kommuninut arlaqartunut advokatiuvoq taamaalilluni kommuninut sulilluni misilittagaqarfigilluarlugu, soorlu kommunit suliniutaannut assigiinngitsunut pisortatigoortunut aamma namminersornernut tunngassutilinnut.
Nuannaarutigaarput Charlotte misilittagaqarluartoq aammalu annertuumik piginnaaneqarluartoq piginneqataasunut ilaalermat taamaalilluni Nuna Advokatit suli ineriartorneranut ikorfartueqataassammat. Charlotte-p piginneqataalernera tunngavigalugu Nuna Advokatit atajuarnissaanut eqqarnaarivoq, taamaalilluta siunissami suleqaterput advokatfirmaet Horten peqatigilluarlugit advokatitut pitsaanerpaamik sullissisinnaalluni eqqartuussivikkut suliassat assigiinngitsut iluanni.
Advokat aaamma piginneqataasoq Peter Schriver aamma advokat aamma piginneqataasoq Helen Kibsgaard.