Nunani Avannarlerni innuttaasuunngitsut Kalaallit Nunaanni sulisinnaanngorniaraangata sulinissamut najugaqarnissamullu akuersissummik peqaqqaartariaqarput.
Sulisoq nammineq akuersissummik qinnuteqartussaavoq. Sulisitsisutulli nunanik allaninngaanneersumik sulisoqalerniaruit pisussaatitaavutit, sulisussat sulilinnginnerani sulinissamut najugaqarnissamullu akuersissutigineqareersimanissai qulakkeeqqaassallugu.
Taamaammat pitsaanerpaavoq atorfinitsitsinermut isumaqatigiissut atsiorneqareerpat qinnuteqarneq sukkanerpaamik aallartisarneqarnissaa.
Sulinissamut najugaqarnissamullu akuersissutit pillugit periarfissanik paasisaqarnerorusukkuit imaluunniit sulisitsisutut nunanik allaneersunit sulisoqarneq pillugu apeqqutissaqaruit advokatfuldmægtig Iris Ohms Jørgensen ugguuna attavigisinnaavat: mail ij@nuna-law.gl imal. Tlf. +299 558111.