Kalaallit Nunaanni Danmarkimilu inatsisitigut eqqartuussisutigut suliat qanoq ingerlanneqarnissaannut malittarisassaqarpoq. Kalaallit Nunaanni pinerluttulerinermi inatsiseqarpugut, Danmarkimilu eqqartuussivinni suliat qanoq ingerlannissaannut inatsiseqarluni. Inatsisit taakku nalinginnaasumik pinerluttulerinermi inatsisinik taaneqartarput.
Eqqartuussisutigut suliap aallartisarfia suliarineqarfialu taaneqartarpoq eqqartuussiveqarfik suliarinnittussaq. Kalaallit Nunaanni eqqartuussiviit suliassinneqartussat tassaapput eqqartuussiviit sisamaasut, imaluunniit Nunatsinni Eqqartuussivik, Danmarkimilu tassaallutik illoqarfinni eqqartuussiviit 24-iusut, imaluunniit Sø- og Handelsretten Københavnimiittoq.
Kalaallit Nunaanni Danmarkimilu pinerluttulerinermi inatsisit imarisaasa ilagaat suliap eqqartuussiveqarfimmut kukkusumut suliassanngortitsisoqarsimanerani qanoq iliortoqarsinnaanera. Aallaavittut eqqartuussiviit suliap eqqartuussiveqarfimmut eqqortumut suliarineqarnissaanut innersuussissallutik pisussaapput. Ilaatigut innersuussisoqarsinnaaneq ajorpoq, taamaattoqartillugulu eqqartuussiveqarfiit suliaq itigartitsissutigissavaat, suliarlu aallaqqaataaniit eqqartuussivimmut eqqortuusumut suliassanngortinneqassaaq.
Innersuussinerni itigartitsinernilu maleruagassat Kalaallit Nunaanni Danmark-imilu assigiittorujussuupput. Ataatsimilli pingaarutilimmik assigiinngissuteqarput.
Kalaallit Nunaanni pinerluttulerinermi inatsimmi tunngaviusumik Kalaallit Nunaanniit Danmarkimut suliassanngortitsinermi eqqartuussisutigut innersuusisoqartarpoq Danmarkimi eqqartuussivik suliassinneqartoq eqqortuuppat. Tamanna Nunatta Eqqartuussisuuneqarfiani aalajangiinnermi ulloq 17. juni 2020 pisoq. Suliaq aallaqqaammut Nunatsinni Eqqartuussivimmi suliassanngortinneqarpoq. Suliassanngortitsisoq Kalaallit Nunaanni najugaqarsimavoq suliassamilu illuatungiliuttuusoq Danmarkimi najugaqarsimalluni. Suliami illuatungiliuttuusumut eqqartuussivik suliassinneqartussaq Danmark-imiimmat, Nunaatsinni Eqqartuussiviup ulloq 27. februar 2020 illuatungiliuttup najuqarfigisimasaanut eqqartuussisunut innersuuppaa, Eqqartuussiviup aaliangiussaa illuatungiliuttup Nunatta Eqqartuussisuuneqarfianut maalaarutigaa
piumasaralugulu suliap itigartitsissutigineqarnissaa. Nunatta Eqqartuussisuuneqarfiata Nunatsinni Eqqartuussivik isumaqatigivaa, aalajangersarlugulu danskit illoqarfiit eqqartuussiviannut innersuussassanngorlugu.
Danskit pinerluttulerinermi inatsisaani Danmarkimi suliassanngortinneqarsimasoq tunngaviusumik innersuunneqarneq ajorpoq, nunatsinni eqqartuussivik suliassinneqarsimappat. Tamanna Østre Landsret-ip naqissuserlugu aalajangiivigaa ulloq 29. april 2021. Suliaq aallaqqaammut danskit illoqarfiit eqqartuussiviani suliassanngortinneqarnikuuvoq, tassanilu suliarineqarlunilu eqqartuussummik aalajangiivigineqarluni. Tassunga tunngatillugu illoqarfiit eqqartuussivianni nalilerneqarpoq eqqartuussivik suliassinneqartussaq Danmark-imiittussaasoq, suliarlu qallunaat nunaanni suliarineqarsinnaasoq. Illuatungiliuttup illoqarfiit eqqartuussivianni aalajangiineq Østre Landsret-imut maalaarutigaa piumasaralugulu illoqarfimmi eqqartuussiviup aalajangiinera atorunnaarsinneqassasoq. Østre Landsret naliliivoq suliap kalaallit eqqartuussivianit suliarineqassasoq. Nunatta Eqqartussisuuneqarfiata kingorna maluginiarpaa innersuussut danskit pinerluttulerinermi inatsisaat malillugu innersuussineq taamaallaat Danmarkip eqqaani sumiiffinni pisinnaasoq. Taamaammat Østre Landsret-ip illoqarfiit eqqartuussiviannut eqqartuussutip inernera atorunnaarsippaa suliarlu itigartitsissutigalugu.
Eqqartuussisutigut suliassap eqqartuussivissap eqqortup inissisimanera arlalinnik peqquteqarsinnaavoq. Taamaammat isumatsialaavoq eqqartuussissuserisumut illit imaluunniit suliffeqarfiit attaveqarnissaa eqqartuussivimmut suliassanngortitsinissaq isumaliutigigussiuk imaluunniit eqqartuussivimmit aggeqqusissummik pisimagussi.
Eqqartuussissuserisoq Charlotte Pedersen, eqqartuussissuserisoq Kista Høegh Niclasen aamma eqqartussissuserisoq Lars-Christian Sinkbæk piareersimapput eqqartussivimmi suliassanut siunnersuinissaminnut illillu imaluunniit suliffeqarfiit sinnerlugu sullisissallutik. Uunga attavigisigut tlf. +299 32 13 70 imaluunniit e-mailikkut: email@nuna-law.gl. Eqqartuussissuserisunut paasissutissat uani aamma takuneqarsinnaapput www.nuna-law.gl.